Ҷаласаи навбатии TEMPUS- UNIVIA дар Украина

Душанбе, 20.11.2014 (АМИТ «Ховар», Мавҷуда Анварӣ).-  Дар Донишгоҳи миллии иқтисодии Киев ҷаласаи навбатии иштирокчиёни лоиҳаи TEMPUS- UNIVIA баргузор гардид, ки дар қатори намояндагони донишгоҳҳои Озарбайҷон, Қирғизистон, Украина, Итолиё мудири шуъбаи робитаҳои байналмилалии Донишгоҳи давлатии Хуҷанд ба номи академик Бобоҷон Ғафуров Темур Каримов, ҳамчун ҳамоҳансози лоиҳаи мазкур дар Донишгоҳи давлатии Хуҷанд иштирок намуд. 
Ҷаласа таҳти роҳбарии ноиби ректор оид ба корҳои байналмилалии донишгоҳи номбурда Анатолий Наливайко ҷараён гирифт. Шоҳин Байрамов, ноиби ректори донишгоҳи иқтисоди Озарбойҷон ва Бейим Набиева, мудири шуъбаи робитаҳои байналмилалии номбурда чун ҳамоҳангсозони кулли лоиҳа оид ба натиҷаҳо ва мушкилоти даври аввали накшаи корӣ маълумоти муфассалро баррасӣ намуданд. 
Зикр гардид, ки дар 6 моҳи фаъолият аз тарафи донишгоҳҳои иштирокчиёни консорсиум нақшаҳои пешбинишуда иҷро гардиданд. Аз семинари ташкилии лоиҳа аз моҳи январи соли 2014 то моҳи октябр чорабиниҳои гуногуни омӯзишӣ дар донишгоҳҳои Ворвики Британаияи Кабир, Малагаи Испания, Сантяго де Кампостела ва Балонияи Итолиё гузаронида шуданд, ки дар онҳо намояндагони ҳамаи донишгоҳҳо иштирок намуданд.