Ҷамъбасти амалиёти ҷавонон

Ноябрь 7, 2014 13:40

Душанбе, 07.11.2014 (АМИТ “Ховар”, Фарзонаи Давлат).-Амалиёти ҷумҳуриявии ҷавонон оид ба 100 рўзи ободонӣ таҳти унвони «Ин Ватанро мо ҷавонон сабзу хуррам мекунем» ҷамъбаст гардид. 
Бино ба иттилои мудири бахши таҳлилу иттилоотии Кумитаи ҷавонон, варзиш ва сайёҳӣ Ҷалолиддин Нуров, кумита амалиёти ҷумҳуриявии ҷавононро ба муносибати 20-солагии Конститутсия (Сарқонун)-и Ҷумҳурии Тоҷикистон аз 29 июл то 5 ноябри соли равон роҳандозӣ кард.
Дар ин радиф ҳар ҳафта рўзи шанбе дар тамоми гўшаву канори кишварамон шанбегиҳо барои ташкили корҳои ободонӣ дар назди биноҳои истиқоматӣ, маъмуриву маишӣ ва майдончаҳои варзишиву фароғатӣ бо иштироки ҷавонону наврасон гузаронида мешуданд.
Ба иттилои манбаъ,тайи амалигардонии амалиёти мазкур 14 маротиба шанбегиҳои ҷумҳуриявии ҷавонон ва 100 маротиба корҳои ободониву кабудизоркунӣ доир гардиданд, ки ба онҳо беш аз  655 ҳазор нафар ҷавону наврас ҷалб шуд.
Гуфта мешавад, ки муҳимтарин корҳои баанҷомрасида дар доираи амалиёти мазкур тоза намудани ҷўйборҳо, каналҳо ва ҷойҳои обгузар, рўбучини кўчаву хиёбонҳо ва гулгашту майдончаҳои варзишиву фароғатӣ, шинонидани ниҳолҳои боровару сояафкан, гулу буттаҳо, нарм намудани бехи ниҳолу дарахтон ва инчунин рангубори пештоқи биноҳои маъмуриву истиқоматӣ, дохили биноҳои идоравию утоқҳои корӣ буда, ҳадафи ин иқдомот тавассути тарбияи меҳнатии ҷавонон мусоидат ба тозаву обод нигоҳ доштани кўчаву хиёбонҳо ва боғу гулгаштҳои кишвар мебошад.
 
 

Ноябрь 7, 2014 13:40

Хабарҳои дигари ин бахш

Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд