Ҷамъбасти USAID TB CARE I
Душанбе, 20.11.2014. (АМИТ «Ховар», Лайло Тоирӣ).-Пагох, 21 ноябри соли 2014 дар меҳмонхонаи “Hyatt Regency Dushanbe” маросими тантанавии пӯшидашавии Лоиҳаи USAID TB CARE I, ки аз ҷониби филиали KNCV (Шоҳигарии нидерландии Ассотсиатсияи мубориза бар зидди бемории сил) дар Ҷумҳурии Тоҷикистон амалӣ гардида буд, баргузор мегардад.
Лоиҳаи (USAID) (Агентии Амрико оид ба рушди байналмиллалӣ) TB CARE I, ки аз ҷониби филиали KNCV (Шоҳигарии нидерландии Ассотсиатсияи мубориза бар зидди бемории сил) дар Ҷумҳурии Тоҷикистон амалӣ гашта, мақсади он расонидани кумак ва дастгирӣ ба Барномаи миллии ҳимояи аҳолӣ аз бемории сил дар чунин самтҳои дастрасии умумӣ ба ташхис ва табобати сил, таъмини хизматрасонии босифати озмоишгоҳҳо, назорати сирояти бемории сил, пешбурди барномавии беморони шакли мутобиқгаштаи сил, мониторинг ва баҳодиҳӣ, гузаронидани тадқиқотҳои фаврӣ равона шудааст.
Чорабиниҳои муҳиме, ки дар доираи Лоиҳаи мазкур амалӣ мешаванд, аз боздид намудани ҳуҷҷатҳои меъёриву роҳбарикунанда оид ба назорати бемории сил мувофиқи стандартҳои охирини байналмиллалӣ, такмил додани иқтидори кормандони тиб бо мақсади беҳтар гаштани сифати хизматрасонӣ ба беморон, инчунин расонидани кумак ва дастгирӣ дар ворид намудани таҷрибаҳои ҷадид ва самаранок дар самти назорати бемории сил дар ҳамаи сатҳҳои кишвар иборат мебошанд.
Тавре ки аз хадамоти матбуоти Вазорати тандурустӣ ва ҳифзи иҷтимоии ҷумҳурӣ хабар доданд, дар чорабинии мазкур оид ба пӯшидашавии Лоиҳа натиҷаҳои назаррас ва муҳим, инчунин сабақҳои гирифташуда дар ҷараёни вориднамоии Лоиҳаи TB CARE I дар Ҷумҳурии Тоҷикистон пешниҳод мешаванд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






