Ҷамъомад бахшида ба Рўзи Конститутсия

Душанбе, 04.11.2014 (АМИТ «Ховар», Фарзонаи Давлат).- Имрўз бахшида ба Рўзи Конститутсия (Сарқонун)-и Ҷумҳурии Тоҷикистон дар Вазорати саноат ва технологияҳои нави Ҷумҳурии Тоҷикистон ҷамъомади тантанавӣ баргузор гардид. 
Тавре ки дар ин бора аз котиботи вазорати мазкур хабар доданд, дар ҷамъомад вазири саноат ва технологияҳои нави  Ҷумҳурии Тоҷикистон  Шавкат Бобозода иштирокчиён ва меҳмононро бо Рўзи Конститутсия (Сарқонун)-и ҷумҳурӣ  муборакбод намуда, гуфт, ки кормандони вазорат,  корхонаву муассисаҳои соҳавӣ ҷиҳати  татбиқи Сарқонун дар ӯаъолият ва ҳаёти рузмарраи худ баҳри баланд бардоштани нишондиҳандаҳои истеҳсолӣ, сатҳи некуаҳволии мардум ва рушди соҳаҳои иқтисодиёти кишвар саҳм хоҳанд гузошт.
Гуфта мешавад, ки дар арафаи таҷлили 20-солагии Конститутсияи ҷумҳурӣ ҳаҷми истеҳсоли сементи ватанӣ ба 1 млн. тонна расид, ки ин дастоварди таърихии саноати мамлакат туҳфаи арзандае ба мардуми кишвар арзёбӣ мегардад.
Дар хотима як зумра кормандони фаъоли вазорат,  корхонаҳои соҳа бо Ифтихорномаи Вазорати саноат ва технологияҳои нави Ҷумҳурии Тоҷикистон сарфароз гардонида шуданд.