Ҷамъоварии пахта ба 83,2 фоизи дурнамо расид

Душанбе, 4.11.2014. (АМИТ «Ховар», Зарангези Латиф).- Новобаста аз номусоидии вазъи ҳаво кишоварзони ҷумҳурӣ маъракаи ҷамъоварии пахтаро идома дода истодаанд. Мувофиқи маълумотҳои фаврии раёсати растанипарварии Вазорати кишоварзии Ҷумҳурии Тоҷикистон соли ҷорӣ дар ҷумҳурӣ дар майдони зиёда аз 177,6 ҳазор гектар кишти пахта гузаронида шуд.Дурнамои истеҳсоли пахта 408 ҳазор тоннаро ташкил медиҳад. Тибқи маълумотҳои охирин дар ҷумҳурӣ дар як рӯз 3746 тонна ва аз аввали мавсим ба миқдори 339,2 ҳазор тонна пахта ҷамъоварӣ шудааст, ки баробари 83,2 фоизи дурнамо мебошад. Дурнамои ҷамъоварии пахта дар вилояти Хатлон 177,6 ҳазор тонна буда, дар як рӯз 2933 тонна ва аз аввали мавсим ба миқдори 240 ҳазор тонна пахта ҷамъоварӣ шудааст, ки баробари 86,5 фоизи дурнамо мебошад. Дар вилоят аввалин шуда кишоварзони ноҳияҳои Сарбанд ва Панҷ аз иҷрои дурнамои ҷамъоварии пахта мужда доданд.Дар вилояти Суғд низ имрӯзҳо ҷамъоварии пахта муташаккилона идома дорад. Дар як рӯз 767 тонна ва аз аввали мавсим ба миқдори 89,8 ҳазор тонна пахта ҷамъоварӣ шудааст, ки баробари 78,1 фоизи дурнамо мебошад.Дар ноҳияҳои тобеи ҷумҳурӣ дар як рӯз 46 тонна ва аз аввали мавсим ба миқдори 9222 тонна пахта ҷамъоварӣ шудааст, ки 59,9 фоизи дурнаморо ташкил медиҳад.