“Ҷанбаҳои устувори башардўстӣ”-китоби нав

Душанбе, 10.11.2014 (АМИТ “Ховар”, Фарзонаи Давлат).- «Ҷанбаҳои устувори башардўстӣ. Ҷустуҷӯҳои илмӣ дар таърихи фарҳанги эронӣ»- таҳти чунин унвон китоби нави донишманди шинохтаи тоҷик, узви вобастаи АИТ Мирзо Муллоаҳмад дар нашриёти Институти шарқшиносии Академияи илмҳои Русия ба табъ расидааст. 
Тавре ки дар ин бора аз Академияи илмҳои Тоҷикистон хабар доданд, китоби мазкур маҷмӯаи мақолаҳо ва суханрониҳои муаллифро дар бар гирифта, таҳқиқи масъалаҳои гуногуни таърихи адабиёт, ҳунар ва фарҳанги тоҷику форсро  дар бар мегирад.
Гуфта мешавад, ки маҷмӯа бо пешгуфтори муҳаррири китоб- донишманд ва шоири варзидаи тоҷик, узви  АИТ Кароматулло Олимов оғоз гардидааст, ки дар он хидматҳои шоистаи Мирзо Муллоаҳмад  дар омўзиши адабиёт ва фарҳанги Эрон ва саҳми ў дар таҳкими робитаҳои илмиву фарҳангии Тоҷикистону Эрон нишон дода шудааст.