Ҷасади бародарон дарёфт гардид

Душанбе, 19.11.2014. (АМИТ “Ховар”, Лайло Тоирӣ). — Ба мақомоти корҳои дохилӣ шаҳрванд Каримов Меҳроб Шукурович, соли таваллудаш 1985, сокини кӯчаи Нусратулло Махсуми шаҳри Душанбе бо ариза муроҷиат намуд, ки 6 ноябри соли равон бародаронаш Каримов Фарҳод Шукурович, соли таваллудаш 1980 бо мошини тамғаи «Тойота-Кемри», рақами давлатиаш АР 50-00 07 РТ ва Каримов Раҷабалӣ Шукурович, соли таваллудаш 1968, истиқоматкунандагони кӯчаи Нусратулло Махсум бо мошини тамғаи «Ренҷ-ровер», рақами давлатиаш 53-60 ВН 01 РТ аз хона баромада, бедарак гум шудаанд.Оид ба далели гум шудани номбурдагон аз ҷониби Вазорати корҳои дохилӣ кофтуков эълон шуда, барои дарёфти онҳо гурӯҳи фаврӣ-тафтишотӣ созмон дода шуд.Бино ба иттилои хадамоти матбуоти Вазорати корҳои дохилӣ, субҳи имрӯз дар ҳудуди ҷамоати деҳоти Лоҳури ноҳияи Рӯдакӣ ҷасадҳои бародарон Каримовҳо бо нишонаҳои марги маҷбурӣ дарёфт шуданд.Нисбат ба ҳодисаи мазкур парвандаи ҷиноятӣ оғоз гардида, дар ин самт тафтиши пешакӣ идома дорад.