Ҷашни Парчам дар ҳузури саноатчиён

 
Душанбе, 25.11.2014. (АМИТ «Ховар», Лайло Тоирӣ).-24 ноябри соли равон дар Вазорати саноат ва технологияҳои нави Ҷумҳурии Тоҷикистон ҷамъомади тантанавӣ бахшида ба «Рўзи Парчами Давлатии Ҷумҳурии Тоҷикистон» баргузор гардид. 
Дар ҷамъомад муовини вазири саноат ва технологияҳои нави Ҷумҳурии Тоҷикистон Ҳайдар  Холов  сухан намуда, иштирокчиёни ҷамъомадро бо «Рўзи Парчами Далатии Ҷумҳурии Тоҷикистон» табрик  намуд. 
Номбурда  дар бораи арзишҳо ва муқаддасоти миллию давлатӣ, моҳияти Парчами давлатӣ ибрози назар карда, ҳамчунин изҳори итминон намуд, ки кормандони вазорат, корхонаву муассисаҳои соҳавӣ баҳри баланд бардоштани нишондиҳандаҳои истеҳсолӣ, рушди соҳаҳои иқтисодиёти кишвар ва баланд бардоштани сатҳи некуаҳволии мардуми кишвар саҳм хоҳанд гузошт. 
Дар ин бора аз котиботи Вазорати саноат ва технологияҳои нави Ҷумҳурии Тоҷикистон иттилоъ доданд.