Ҷашни пуршукӯҳи миллӣ дар Суди конститутсионӣ

Душанбе, 25.11.2014. (АМИТ «Ховар», Мавҷуда Анварӣ).- Дар Рӯзи Парчами давлатӣ дар маҷлисгоҳи Суди конститутсионии кишвар бо иштироки кормандони ин ниҳод маҷлиси тантанавӣ баргузор гардид.
Тибқи иттилои раиси дастгоҳи ин ниҳод Даврон Ҳошимзода, раиси Суди конститутсионӣ Маҳкам Маҳмудзода ҳозиринро бо ин ҷашни пуршукӯҳи умумимиллӣ таҳният гуфта, иброз дошт, ки Парчами давлатӣ ҳамчун рамзи давлатӣ аз ҷумла муҳимтарин муқаддасоти даврони истиқлол ва ифтихори миллии ҳар як шаҳрванди ватандӯсту худогоҳи кишвар маҳсуб ёфта, моҳият ва тартиби истифодаи расмии он бо Қонуни Ҷумҳурии Тоҷикистон «Дар бораи рамзҳои давлатии Ҷумҳурии Тоҷикистон» муқаррар шудааст. 
Дар маҷлиси тантанавӣ инчунин сардори шуъбаи таъминоти ҳуқуқии фаъолияти судяҳо Г.А. Нурляминова оид ба таърихи Парчами давлатӣ ва тартиби истифодаи расмии он маърӯза намуд.