Ҷашнвораи «Мо якҷоем» дӯстонро ҷамъ овард

Душанбе,  24.11.2014. (АМИТ «Ховар»,  Лайло  Тоирӣ).- Созмони ҷамъиятии  минтақавии «Умед» — и  шаҳри Нижний  Новгород  дар Ҷашнвораи П фарҳангҳои   миллии  «Мо якҷоем»,  ки   охири  ҳафтаи  гузашта дар  шаҳри  Нижний  Новгород баргузор  гардид, Тоҷикистонро   муаррифӣ  кард. 
Назар  ба  хабари  созмони  «Умед», композитсияи  хореографии «Сайри лола» — и  тоҷикистониён  сазовори  баҳои баланди  тамошобинон  гардид. 
Дар  ҷашнвора  намояндагони  ҷамоаҳои  калони  сокини  Нижний  Новгород,  аз  ҷумла  ҷамоаҳои  арманиҳо,  озарбойҷониҳо,  украинҳо,  беларусҳо,  яҳудиён ва  ғайра низ  ширкат  доштанд. 
Дар  ҳошияи  ҷашнвора офаридаҳои  намояндагони санъати  ороишию  амалӣ ба  маърази  намоиш  гузошта шуданд.