16 рӯзи зидди зӯроварии гендерӣ

Ноябрь 26, 2014 11:53

Душанбе, 26.11.2014. (АМИТ «Ховар», Марҳабои Азамат ).- Дар ҳошияи маъракаи умумиҷаҳонии «Зӯроварӣ нисбат ба занонро бо ҳам аз байн мебарем» дар Рӯзи байналмилалии мубориза барои аз байн бурдани зӯроварӣ нисбат ба занон дар Тоҷикистон, чун дар саросари ҷаҳон, маъракаи «16 рӯзи амалиёти зидди зӯроварии гендерӣ» оғоз меёбад. Дар ин бора аз намояндагии СММ — занон дар Тоҷикистон ба АМИТ «Ховар» хабар доданд.Назар ба иттилои манбаъ, 16 рӯзи зикршуда, яъне аз 25 ноябр то 10 декабр, ба маъракаҳои амалиёти зидди зӯроварӣ нисбат ба занону духтарони тамоми ҷаҳон, аз ҷумла дар Тоҷикистон бахшида мешаванд.Дар ин давра ба манзури дар минтақаҳои мухталифи кишварамон баланд бардоштани сатҳи воқифият аз мушкилоти зӯроварӣ нисбат ба занону духтарон чандин чорабиниҳо роҳандозӣ мешаванд.Намояндагони агентиҳои СММ, созмонҳои байналмилалӣ ва ҷомеаи шаҳрвандии Тоҷикистон барои хотима бахшидан ба зӯроварӣ нисбат ба занону духтарон ва тақвият бахшидани воқифият аз дағалона вайрон кардани ҳуқуқи инсон дар Тоҷикистон ва тамоми ҷаҳон якҷоя саъю кӯшиш менамоянд.Ба гуфтаи манбаъ, имсол Рӯзи байналмилалии мубориза барои барҳам додани зӯроварӣ нисбат ба занон ва «16 рӯзи амалиёти зидди зӯроварии гендерӣ» дар вазъияте рух медиҳанд, ки мардуми ҷаҳон ба таҷлили 20 – умин солгарди Муоҳадаи пекинии фаъолият тайёрӣ дида, мӯҳлати Эъломияи ҳазорсола анҷом ёфта, рӯзномаи нави ҷаҳонии рушд арзи ҳастӣ пайдо мекунад.

Ноябрь 26, 2014 11:53

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд