5 ҳазор дастаи «Роллтон» нобуд карда шуд

Душанбе,  4 ноябр. (АМИТ «Ховар»,  Екатерина  Пасторова ).-  Кормандони  Агентии   стандартизатсия,  метрология,  сертификатсия  ва назорати  савдои «Тоҷикстандарт» — и  назди ҳукумати  ҶТ беш  аз  4,7  ҳазор  бастаи   туппаи  «Роллтон» — ро, ки ба  Стандарти  давлатӣ  мувофиқат  надоранд,  аз  фурӯш  бароварданд. 
Дар  ин  бора  дафтари  матбуоти  агентии  мазкур  хабар  медиҳад.
Дар  ҷараёни тафтиши  корхонаи  инфиродии  воқеъ  дар   ноҳияи  Истаравшан  маълум  шуд, ки  ҳамаи   бастаҳои  туппа  ба  Стандарти  давлатӣ  мувофиқат  надоранд.
Алҳол  нисбат ба  роҳбари  корхона  аз  рӯи  моддаи  294 Кодекси  ҷиноии  ҶТ (фиреби   истеъмолкунанда)  парвандаи  ҷиноӣ  кушода,  тафтишот  ҷараён  дорад.