Ағбаи Хобуработ то фасли баҳор баста шуд
Душанбе, 27.11.2014. (АМИТ «Ховар», Кристина Эрлих).- Назар ба хабари Вазорати нақлиёти ҶТ, роҳи мошингарди ағбаи Хобуработ, ки пойтахти Тоҷикистонро тавассути ноҳияи Тавилдара бо ВМКБ пайваст менамояд, дар фасли зимистон баста шудааст. Мувофиқи суханони манбаъ, сабаби баста шудани роҳи зикршуда боришоти сахти барф аст. Вазорати нақлиёти ҷумҳурӣ ҳаракати мошинҳо тавассути ин ағбаро фақат дар нимаи моҳи майи соли оянда дар назар дорад.Дар давраи зикршуда ҳаракати мошинҳо аз маркази ҷумҳурӣ сӯи ВМКБ бо роҳи мошингарди Душанбе – Кӯлоб — Шурообод – Дарвоз – Хоруғ сурат мегирад.