Афзоиши пасандозҳо дар «Аксес Бонк Тоҷикистон»

 
Душанбе, 29.11.2014. (АМИТ «Ховар», Покизаи Шодмон). —  ҶСП «Аксес Бонк Тоҷикистон»  қарори худро оиди тағир ёфтани фоизҳои пасандозҳои босуръат барои шахсони ҳуқуқӣ эълон намуд.
Ба мухбири АМИТ «Ховар» аз «АксесБонк Тоҷикистон» иттилоъ доданд, ки миқдори фоизҳои пасандозҳои босуръат барои шахсони ҳуқуқӣ бо пули миллӣ аз 13% то 17%  ва бо доллари ИМА аз 8% то 10% солона афзуданд.
 «Мизоҷони мо пасандозҳои босуръатро кушода, имконияти хуби таъмини амният ва афзудани арзандаи маблағҳои худро бар бонки аврупоӣ доранд. Суратҳисобро  дар бонки мо кушода, мизоҷон дорои бартариятҳои зерин мешаванд: миқдори фоизи муфид, идоракунии маблағҳо дар суратҳисоби худ, муносибати фардӣ, хизматрасонии баландсифат», — афзуд сарчашма.
 Инчунин мизоҷон метавонанд аз номгӯи васеъи хизматрасониҳои «АксесБонк Тоҷикистон» истифода баранд: фавран суратхисоби амонатӣ ва пасандозӣ кушоянд, карзхои муфидро дарёфт намоянд, аз интиқоли маблағхо истифода баранд.