Анҷумани байнипарлумонии ИДМ дар Санкт — Петербург

Душанбе, 27.11.2014. (АМИТ «Ховар», Елена Батенкова ).- Раиси Кумитаи Маҷлиси намояндагони Маҷлиси Олии Ҷумҳурии Тоҷикистон оид ба иқтисодиёт ва молия Сафаралӣ Раҷабов аз 27 то 28 ноябр дар шаҳри Санкт — Петербург дар ҷаласаи Комиссияи доимии Анҷумани байнипарлумонии давлатҳои узви Иттиҳоди Давлатҳои Мустақил оид ба иқтисодиёт ва молия иштирок мекунад. Назар ба хабари котиби матбуоти Парлумони кишвар Муҳаммадато Султонов, дар ҷаласа лоиҳаҳои қонунҳо «Дар бораи фаъолияти аудиторӣ», «Дар бораи аудити дохилӣ дар бахши давлатӣ» ҳамчунин лоиҳаҳои шарҳи қонун «Дар бораи ҳамкории ҷамъиятию инфиродӣ» ва шарҳи Кодекси андоз мавриди муҳокима қарор мегиранд. Аъзои комиссия иттилоотро дар бораи тарҳрезии лоиҳаи Муоҳадаи ИДМ дар бораи ҳамкорӣ дар бахши таҳқиқу истифодаи кайҳон ба мақсадҳои осоишта, перомуни 175 — солагии Расадхонаи асосии Пулковои Академияи илмҳои Русия ва дар бораи кори комиссия оид ба иҷрои Дурнамои қонунгузорӣ дар ИДМ барои солҳои 2011 — 2015 ва пешниҳодҳо ба лоиҳаи Дурнамои қонунгузории ИДМ барои солҳои 2016 — 2020 — ро баррасӣ менамоянд.