Бақияи пасандозҳо дар ташкилотҳои қарзӣ афзуд

    Душанбе, 26.11.2014. (АМИТ «Ховар», Покизаи Шодмон). — Дар ташкилотҳои қарзии ҷумҳурӣ баъди ҷамъбасти моҳи октябри соли равон бақияи пасандозҳо дар даҳ моҳи соли равон 6 млрд. 334,6 млн. сомониро ташкил намуд, ки нисбат ба ҳамин давраи соли қаблӣ 18,4 фоиз афзуд. 
Аз рӯи иттилои хадамоти матбуоти Бонки миллиии Тоҷикистон, таркиби бақияи пасандозҳо ба таври зайл тақсимбандӣ шудааст: 2 млрд. 180,4 млн. сомонӣ (ё 34,4 фоиз)-ро пасандозҳои шахсони ҳуқуқӣ ва 4 млрд. 154,2 млн. сомонӣ (ё 65,6 фоиз)-ро пасандозҳои шахсони воқеӣ ташкил доданд, ки назар ба ҳамин давраи соли қаблӣ ба таври назаррас афзоиш ёфтаанд. 
    Дар моҳи октябр фоизи миёнавазни пасандозҳо бо пули миллӣ 15,13 фоиз ва бо асъори хориҷӣ 11,99 фоизи солонаро ташкил намуд, ки нисбат ба ҳамин давраи соли гузашта мутаносибан 0,61 фоиз паст ва 0,55 фоиз баланд мебошад.