Бинои нави шуъбаи маориф дар Шуғнон

Душанбе, 24.11.2014. (АМИТ «Ховар», Мавҷуда Анварӣ).- Чанде пеш бо иштироки Шодихон Ҷамшед, раиси Вилояти Мухтори Кӯҳистони Бадахшон дар шаҳраки навбунёди Ваҳдат — маркази маъмурии ноҳияи Шуғнон бинои нави шуъбаи маорифи ноҳия ифтитоҳ гардид. Мувофиқи маълумоти мудири шуъбаи маорифи ноҳия Хуҷаназар Холиқназаров барои бунёди ин иншоот аз тарафи Дирексияи сохмони иншоотҳои ҳукуматии Дастгоҳи иҷроияи Президенти Тоҷикистон 1,2 миллион сомонӣ ҷудо гардида, сохтмони он аз ҷониби ҶДММ «Нақлиёти барқсоз» сурат гирифт.
 Бино дуошёна буда, дорои 11 утоқи корӣ ва толори маҷлисии бо тамоми асбобу лавозимоти зарурӣ муҷаҳҳаз мебошад. Раиси вилоят иброз дошт, ки бунёди биноҳои нави муассисаҳои таълимӣ ҳамасола аз ҷониби давлат маблағгузорӣ шуда, бозгӯи ғамхориҳои беназири Ҳукумати кишвар нисбат ба ин соҳаи муҳим аст.