Боздиди Эрмек Сарибаев аз ДДОТ
Душанбе, 13.11.2014. (АМИТ «Ховар», Раъно Нусратуллозода).- Чанде пеш Консули Сафорати Ҷумҳурии Қирғизистон дар Ҷумҳурии Тоҷикистон Эрмек Сарибаев ба Донишгоҳи давлатии омӯзгории Тоҷикистон (ДДОТ) ба номи С.Айнӣ ташриф оварда, бо муовини ректор оид ба робитаҳои байналмилалӣ Розия Абдуллоева ва донишҷӯёни Ҷумҳурии Қирғизистон вохӯрд.
Тавре ки аз ДДОТ иттилоъ доданд, дар мулоқот зикр гардид, ки тибқи квотаи байнидавлатӣ дар донишгоҳ 7 нафар шаҳрванди Қирғизистон дар зинаи бакалавр ва 1 нафар дар риштаи магистратура таҳсил мекунад. Онҳо вазифадоранд, ки бо баҳои хубу аъло ва интизоми намунавӣ донишгоҳро ба итмом расонанд ва ба ватану халқи худ хизмат намоянд. Р.Абдуллоева таъкид дошт, ки донишҷӯёни қирғизистонӣ низ бояд дар баробари муҳассилин аз Ҷумҳурии Туркманистон дар чорабиниҳои фарҳангӣ фаъолона ширкат варзанд.
Э.Сарибаев аз муҳассилин тақозо намуд, ки аз имкониятҳои мусоид самаранок истифода баранд. Дар вохӯрӣ, ҳамчунин як силсила масъалаҳои дигар, ба монанди бақайдгирии шиносномаҳои донишҷӯён, давомоти онҳо дар дарсҳо, натиҷаи санҷишҳои фосилавӣ ва ғайра муҳокима гардиданд.
Имрӯз дар ноҳияҳои алоҳидаи Тоҷикистон чангу ғубор ба амал меояд
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак баргузор мегардад
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
DEEPFAKE ҲАМЧУН ТАҲДИДИ НАВИ АМНИЯТИ ИТТИЛООТӢ. Назари мутахассис дар ин мавзуъ
«МЕГАФОН ТОҶИКИСТОН»: Ду роҳи ҳал барои истифодабарандагони интернет
АМНИЯТИ ЗЕҲНИ СУНЪӢ ВА ДУРНАМОИ РУШДИ ОН ДАР ТОҶИКИСТОН. Мутахассис ин мавзуъро шарҳ медиҳад
