Боздошти сокини Қумсангир бо 3 кг афюн
Душанбе, 25.11.2014. (АМИТ «Ховар», Муқаддас Темурзода).-Зимни гузаронидани чорабиниҳои фаврӣ-ҷустуҷӯӣ кормандони милитсия шаҳрванд Муҳаммадҷон Сайфуллоев, соли таваллудаш 1970, сокини ноҳияи Қумсангирро бо гумони даст доштан дар гардиши ғайриқонунии маводи мухаддир дастгир намуданд.
Назар ба иттилои ВКД ҶТ дар вақти кофтуков аз ӯ 3 кг 336 грамм маводи нашъадори афюн дарёфт ва мусодира шуд. Нисбат ба далели мазкур парвандаи ҷиноӣ оғоз гардида, тафтиш давом дорад.