Бунёди 119 гармхона дар Ёвон

Душанбе, 12.11.2014 (АМИТ «Ховар», Бекназари Абӯбакр).-Дар доираи сафари кории Президенти кишвар Эмомалӣ Раҳмон ба ноҳияи Ёвон ду гармхона ба истифода дода шуд. Гармхонаҳои ширкати чинии «Синзян Инхай» дар майдони 49 га бо сохтмони 196 адад гармхона ва сардхона бо нигоҳдории 1000 тонна маҳсулот ва коргоҳи бастабандии барвақтӣ пешбинӣ гардидааст. Алҳол 119 адад гармхона сохта шуда, дар 40 адад гармхона маҳсулоти барвақтӣ, аз ҷумла, помидор, бодиринг, қаламфур ва ғайра кишт мешавад.Ба ҳисоби миёна дар ҳар гармхона 40 тонна маҳсулот нигоҳдорӣ мешавад. Дар ширкати мазкур 200 адад ҷои нави корӣ таъсис дода шуд. Дар гармхонаҳои ташкилнамудаи ҶДММ «Воҳиди Саид» ба маблағи 227 ҳазор сомонӣ дар майдони 2 га замин 4 адад гармхона сохта шудааст. Дар ин ҷо 30 нафар ба кор ҷалб гардида, дар як сол аз ҳар як гармхона 25 тонна маҳсулот ҷамъоварӣ мешавад.