Чорводорӣ рушд меёбад

Душанбе, 26.11.2014. (АМИТ «Ховар», Зарангези Латиф).-Дирӯз дар Вазорати кишоварзии Ҷумҳурии Тоҷикистон бо иштироки масъулини соҳаи чорводорӣ ва сардорони лоиҳаи «Беҳсозии сатҳи зиндагӣ дар Хатлон»-и Муассисаи давлатии «Маркази идораи лоиҳаи «Рушди чорводорӣ ва чарогоҳҳо» таҳти роҳбарии вазир Қосим Роҳбар ҷаласаи корӣ баргузор гардид.Вазир таъкид намуд, ки бо мақсади таъмини иҷрои дастуру супоришҳои Сарвари Давлат оид ба рушди соҳаи чорводорӣ дар доираи лоиҳаи мазкур чорвои зотӣ харидорӣ гардида, ба деҳаҳои калони аҳолинишини ҷамоатҳои деҳоти ноҳияҳои зерҳадаф, яъне Муъминобод, Шӯрообод, Ховалинг, Балҷувон, Темурмалик, Восеъ ва Фархор дастрас мешавад.Қосим Роҳбар диққати масъулинро ба масъалаҳои сифати чорвои харидоришаванда, таъмини шаффофияти тақсимоти онҳо ҷалб намуда, риояи қонунҳои амалкунандаро ҷиддан талаб намуд.