Дастаи мустақили оташнишонӣ

Душанбе,  17.11.2014. (АМИТ «Ховар»,  Екатерина  Пасторова ).- Дар  бозори  «Корвон»  дастаи  мустақили  оташнишонӣ  таъсис  ёфт. Назар  ба иттилои  ВКД ҶТ  Тоҷикистон, дар  ин маросим вазири   корҳои  дохилии  Тоҷикистон  Раҳимзода  Рамазон  Ҳамро  ширкат  дошт. 
Вазир   зимни  суханрониаш  дар  ҳузури  ҳайати  шахсӣ  зикр  намуд, ки  ба  зиммаи хадамоти   оташнишонӣ  дар  амри  бехатарии ҳаёти  шаҳрвандон ва талаф  нашудани  моликияти  давлатию  шахсӣ  масъулияти  бузург  гузошта шудааст. 
«Кормандони   соҳаи  мазкур  бо  назардошти  ин бояд  донишу  малакаи   касбии  худро  доимо   баланд  бардошта,  ҳамзамон  дар  муборизаи  зидди  оташ  якҷоя  бо ҷузъу  томи  дигари  мақомоти   корҳои  дохилӣ  саҳм  гузоранд», —  гуфт  вазири  ВКД. 
Дастаи  оташнишонӣ, ки  қад  — қади  роҳи  мошингарди  бозори  «Корвон»  ҷойгир  аст, шароити  сари  вақт  ҳозир  шудан  ба ҷойи  ҳодисаро  фароҳам  меорад,  қайд  намуд намояндаи  ВКД кишвар.