Дидори намояндагони САҲА аз МОИ «Суғд»

Душанбе,  18.11.2014. (АМИТ «Ховар»,  Лайло  Тоирӣ).- 17  ноябр   намояндагони  САҲА  дар  Тоҷикистон — роҳбари  раёсати  иқтисодию  экологӣ  Мартин Россман,  роҳбари  дафтари  САҲА  дар  шаҳри  Хуҷанд  Келси  Ҳаррис — Смит, корманди   дафтари  САҲА  Назокат  Ёқубова  аз  Минтақаи  озоди  иқтисодии  «Суғд»  боздид  намуданд.
Тавре  ки   маркази  матбуоти  МОИ «Суғд»  хабар  медиҳад,  манзур  аз ин  боздид  шиносоии Мартин  Россман бо  фаъолияти  Минтақаи  озоди  иқтисодии  «Суғд», ҳамчунин   дидор  аз  иншооти  «Дӯсти  Амирхон» буд. 
Роҳбари  маъмурияти  МОИ «Суғд»  Фирдавс  Олимов  аз  фаъолияти  МОИ,  шароити  имтиёзноки  тиҷорат ва  ғайра   нақл  кард. 
Зимни  вохӯрӣ  ҳамчунин  масоили   ҳамкории  минбаъда, аз  ҷумла  ёрии  САҲА барои ҷалби  коршиносону  ихтиёриён  ба  самтҳои   зарурии  фаъолияти  маъмурият  мавриди  муҳокима  қарор  гирифтанд.