Ду медали варзишгарони тоҷик

Душанбе, 18.11.2014. (АМИТ «Ховар»).- 17 ноябр варзишгарони Тоҷикистон дар Бозиҳои 1У Осиё дар Таиланд як медали тилло ва як медали биринҷӣ ба даст оварданд. Тавре ки аз Кумитаи миллии олимпии Тоҷикистон хабар доданд, гӯштигири маъруфи тоҷик Муҳаммадмурод Абдураҳмонов дар вазни беш аз 90 килограмм бар варзишгари Лубнон Пйерр Боу Абоуд, варзишгари Муғулистон Даваануам Алтангерел ва варзишгари Афғонистон Икромиддин Аҳмадӣ ғолиб омада, медали тилло ба даст овард.Намояндаи дигари Тоҷикистон Саидҷалол Саидов дар вазни то 90 килограмм ҷойи сеюмро ишғол намуда, соҳиби медали биринҷӣ гардид. Ёдовар мешавем, ки дар Бозиҳои 1У Осиё дар ҷазираи Пҳукети Таиланд варзишгарони 36 кишвари ин қитъа иштирок доранд. Барномаи бозиҳо, ки 23 ноябр анҷом меёбанд, иборат аз 28 намуди варзиш аст.