“Дурахши ахтар”-барномаи ҳунарӣ

Душанбе, 27.11.2014. (АМИТ “ Ховар “, Рафоати Абдулҳамид). — Имрӯз дар Театри давлатии академии опера ва балети ба номи С. Айнӣ барномаи “Дурахши ахтар” баргузор мегардад. Тавре ки роҳбари барномаи бадеӣ Нуралӣ Шоев хабар дод, соли оянда бо қарори Юнеско 100- солагии Зиёдулло Шаҳидӣ дар тамоми дунё ҷашн гирифта мешавад.Бахшида ба 100-солагии Зиёдулло Шаҳидӣ имрӯз дар театри мазкур бо иштироки меҳмонони хориҷӣ, аҳли фарҳанги кишвар, донишҷӯён ва хонандагони макотиби мамлакат маҷлиси тантанавӣ ва консерт баргузор мегардад.Дар он ҳунармандони оркестри созҳои миллии Филармонияи давлатии Тоҷикистон ба номи А. Ҷӯраев, донишҷӯёни Консерваторияи миллии Тоҷикистон, Донишкадаи ҳунарҳои зебои Тоҷикистон ва ҳунармандони театри мазкур ҳунарнамоӣ карда, табъи ҳозиринро болида мегардонанд.