Душанбе — Санкт – Петербург: Ҳамкорӣ дар бахши таҳсилот

Душанбе, 11.11.2014. (АМИТ «Ховар», Рано Нусратуллозода).- Дар ҳошияи Рӯзҳои шаҳри Санкт – Петербург дар Душанбе дар Маҷмааи «Кохи Ваҳдат» мизи мудаввар дар мавзӯи «Ҳамкорӣ дар бахши таҳсилот» баргузор гардид. Тавре ки аз Академияи таҳсилоти ҶТ хабар доданд, дар ҷараёни мизи мудаввар масоили ҳамкорӣ дар бахши таҳсилот миёни шаҳрҳои Санкт – Петербург ва Душанбе баррасӣ шуданд.Вазири маориф ва илми ҶТ Саид Нуриддин Саид зимни суханрониаш ба масоили ҳамкории байни донишкадаҳои олии ҳар ду шаҳр дахл намуд. Иштирокдорони мизи мудаввар бо қоидаҳои ба даст овардани таҳсилоти хушсифат дар донишгоҳҳои Санкт – Петербург шинос шуданд. Сипас президенти Академияи таҳсилоти Тоҷикистон Ирина Каримова дар бораи вазъи забони русӣ дар Тоҷикистон ва масоилу дурнамои тадриси он дар муассисаҳои таҳсилотии ҶТ нақл кард.