Эй сорбон, оҳиста рон!

 
Душанбе, 25.11.2014. (АМИТ «Ховар», Лайло Тоирӣ).-Раёсати Бозрасии давлатии автомобилии ВКД Ҷумҳурии Тоҷикистон ба диққати шаҳрвандон мерасонад, ки баҳри таъмини бехатарии ҳаракат дар роҳ зимни сафари кории Президенти Ҷумҳурии Чехия Милош Земан ба шаҳри Душанбе рӯзи 25 ноябри соли равон аз соати 17:30 то 18:20 дақиқа ҳаракати воситаҳои нақлиёт дар кӯчаҳои А.Дониш, Айнӣ, хиёбони Рӯдакӣ то чорроҳаи И.Сомонӣ, хиёбони И.Сомонӣ то Сино муваққатан манъ  мешавад.
Бино ба иттилои хадамоти матбуоти ВКД, 26 ноябр аз соати 10:00 то10:30, 13:00 то 13:15, 14:20 то 15:00, 15:40 то 15:55, 16:45 то 16:55 дақиқа ҳаракати воситаҳои нақлиёт дар хиёбони Рудакӣ муваққатан манъ мешавад.
Инчунин аз соати 18:30 то 18:50 ва аз соати 20:30 то 20:50 дақиқа ҳаракати воситаҳои нақлиёт дар хиёбони И.Сомонӣ  муваққатан манъ мешавад.
Рӯзи 27 ноябр аз соати 11:30 то 12:00 дар хиёбони Рудакӣ ва аз соати 14:00 то 14:15 дақиқа дар кӯчаҳои А.Дониш, Айнӣ, Рӯдакӣ ҳаракати воситаҳои нақлиёт муваққатан манъ мешавад.