Эътирофи Тоҷикистон чун кишвари беҳтарини ислоҳотгар дар ҷаҳон

   Душанбе, 5.11.2014. (АМИТ «Ховар», Покизаи Шодмон).- Мутобиқи ҳисоботи Бонки ҷаҳонӣ мавқеи Тоҷикистон дар самти “Пешбурди соҳибкорӣ барои соли 2015” 11 зина, яъне аз 177 то ба 166 зина боло рафта, нишондиҳандаҳои беҳтаринро дар ҷаҳон соҳиб шуд. 
     Аз ҷумла, барои комёб шудан ба ин натиҷа, саҳми болоравии бахши “Дастрасии соҳибкорон ба қарзҳо” 62 зина ва “Андозбандӣ” 15 зина муассир буд. 
     Тавре ки ба мухбири АМИТ «Ховар» аз Хадамоти матбуоти Бонки миллии Тоҷикистон иттилоъ доданд, чунин комёбӣ дар беҳтар гардидани фазои сармоягузорӣ ва баланд шудани рейтинги кишвар такони бузурге бахшида, дар фаъол гардидани ҷалби сармоя ба соҳаҳои мухталифи иқтисодиёти кишвар нақши мусбат хоҳад бозид. 
     Ҳамзамон Бонкӣ ҷаҳонӣ ба он назар аст, ки андешидани чунин тадбирҳои судманд метавонад минбаъд низ барои беҳтар гардидани рушди бахши соҳибкорӣ дар кишвар имконияти фарох ба миён оварад. 
Дар ин бора аз Хадамоти матбуоти Бонки миллии Тоҷикистон хабар доданд.