“Фалсафаи офариниши олам” — конфронси илмӣ

Душанбе, 18.11.2014. (АМИТ “Ховар”, Сабоҳат Қадамзода). -Имрӯз дар Иниститути фалсафа, сиёсатшиносӣ ва ҳуқуқи ба номи А Баҳоваддинови Академияи илмҳои Ҷумҳурии Тоҷикистон конфронси илмӣ дар мавзӯи “Фалсафа ва масъалаҳои ҳастишиносӣ” баргузор гардид.
Дар конфронс директори Институти фалсафа, сиёсатшиносӣ ва ҳуқуқи ба номи А.Баҳоваддинови Академияи илмҳои Ҷумҳурии Тоҷикистон, доктори илмҳои фалсафа, прфессор Абдулвоҳид Шамолов, Президенти Академияи илмҳои Ҷумҳурии Тоҷикистон, академик Фарҳод Раҳимӣ, ноиби президенти Академияи илмҳои Ҷумҳурии Тоҷикистон, узви вобастаи Академияи илмҳои Ҷумҳурии Тоҷикистон, доктори илмҳои фалсафа, профессор Кароматулло Олимов ва доираи васеи рӯзноманигорон иштирок намуданд.
 Доктори илмҳои фалсафа, профессор Муҳаммадқул Ҳазратқулов дар мавзӯи “Фалсафаи офариниши олам” маърӯза намуд.
Бояд гуфт, ки конфронси мазкур ба Рӯзи ҷаҳонии фалсафа бахшида шуд.