Густариши ҳамкориҳои Иттиҳоди Аврупо ва Тоҷикистон

Душанбе, 21.11.2014 (АМИТ «Ховар», Мавҷуда Анварӣ).-Роҳбари ҳайати Парлумони Иттиҳоди Аврупо доир ба робитаҳо бо кишварҳои Осиёи Марказӣ Ивета Григуле баъди мулоқот бо Президенти кишвар Эмомалӣ Раҳмон дар ҳузури хабарнигорон андешаҳояшро чунин баён намуд:
«Мулоқоти имрӯза дар сатҳи хеле олӣ ва судманд анҷом ёфт. Ман бо Ҷаноби Президент дар навбати аввал чӣ тавр Иттиҳоди Аврупо метавонад дастгирии худро ба кишвари Шумо ба роҳ монад мавриди баррасӣ қарор додем. Рушди ҳамкорӣ дар соҳаҳои иқтисод, зербино ва амнияти минтақавӣ се самти афзали робитаҳои Тоҷикистон бо Иттиҳоди Аврупо мебошаyд. Зимни мулоқот ин се масъаларо дар авлавиятҳои ҳамкориҳои байни Иттиҳоди Аврупо ва Ҷумҳурии Тоҷикистон арзёбӣ намудем», — афзуд  Ивета Григуле.
Роҳбари ҳайати Парлумони Иттиҳоди Аврупо Ивета Григуле омодагии устувори худро ба густариши ҳамкории иқтисодию амниятӣ таъкид дошта, изҳор намуд, ки Иттиҳоди Аврупо ва Парлумони Аврупо баҳри боз ҳам рушд додани ҳамкориҳо дар оянда манфиатдор аст, чунки кишвар ва минтақаи Шумо ҳам аз ҷиҳати иқтисодӣ ва ҳам аз ҷиҳати амниятӣ хеле муҳим аст.