Хуҷанд: қитъаи замин барои 150 оила

Хуҷанд, 03.11.2014. (АМИТ «Ховар», Абдуаҳад Шарифзода).-Субҳи имрӯз, 3 ноябр бахшида ба 20-умин солгарди қабули Конститутсияи Ҷумҳурии Тоҷикистон дар маркази Суғд 150 оилаи шаҳри Хуҷанд  соҳиби қитъаи замини наздиҳавлигӣ шуд. Ба ҳар як оила аз маҳаллаҳои нави 14 ва 15-уми шаҳр баҳри  беҳдошти  шароити  манзил  6 сотихӣ замин тақсим   шуд. Тавре ки аз  маъмурияти  роҳбарияти  шаҳр  иттилоъ доданд,  дар маросими тақсимоти қитъаҳои замин раиси вилояти Суғд Абдураҳмон Қодирӣ ва раиси шаҳри Хуҷанд Раҷаббой Аҳмадзода иштирок намуданд. Бояд гуфт, ки  масоҳати  умумии  ду  маҳаллаи  нави  шаҳр  8,58  гектарро  ташкил  дода, 600 метри  мураббаъ барои бунёди  хонаҳои  истиқоматӣ,  11  гектар  барои  бунёди  роҳҳо  ва  19,5  гектари он  барои  бунёди боғу   хиёбонҳо ҷудо  шудааст.  
Мувофиқ ба нақшаи генералӣ дар солҳои наздик дар ин ду маҳалла  мактаб, боғчаи бачагона, чойхона, нуқтаи тиббӣ, варзишгоҳ ва чанд иншооти зарурӣ сохта мешавад. Дар навбати гирифтани замин боз зиёда аз 3 ҳазор сокини шаҳр дар қайд аст.