Хуҷанд: Озодии 105 нафар бар асоси Қонуни авф

Душанбе, 10.11.2014. (АМИТ «Ховар», Зарангези Латиф).- Дар асоси Қонуни ҷумҳурии Тоҷикистон  «Дар бораи авф»,  ки аз 24-уми октябр қабул шудааст, охири ҳафтаи сипаришуда аз боздоштгоҳи муваққатии шаҳри Хуҷанд ва муассисаи ислоҳотии низомаш пурзӯр, воқеъ дар маркази вилоят 105 нафар маҳбуси ба муҳлатҳои гуногун маҳкумгардида ба озодӣ баромад, ки байни онҳо 4 нафар зан низ буд.
Тавре ки сомонаи расмии раиси вилояти Суғд хабар додааст, дар маросими ба озодӣ баромадани зиндониёни авфшуда муовини вазири адлияи ҷумҳурӣ, сардори Сарраёсати иҷрои ҷазои ҷиноятӣ, генерал-лейтенант Изатулло Шарифзода изҳор дошт, ки ин авфе, ки нисбат ба маҳкумшудагон бо ташаббуси Президенти Ҷумҳурии Тоҷикистон қабул шудааст, боварӣ дорам, ки дигарбора шуморо аз роҳи хато бозмедорад ва дар ҳаёти ояндаи худ роҳи дурусти зиндагиро интихоб мекунед.