Иқдом барои тарғиби қоидаҳои ҳаракат дар роҳ

Душанбе,  17.11.2014. (АМИТ «Ховар»,  Анна  Мошенко).-  Рӯзномаи  «Вечёрка» — и  пойтахт, БДА  ВКД  ҶТ, Вазорати  маориф  ва  илми ҶТ,  Кумитаи   кор  бо  ҷавонон,  варзиш ва  сайёҳӣ,   ҳамчунин  Созмони  ғайриҳукуматии «Насли  наврас»  дар  шаҳри  Душанбе  иқдом  барои тарғиби  қоидаҳои  ҳаракат дар  роҳро   роҳандозӣ  намуданд. Сарпарастии   ин  чорабиниро  ширкати  «Фароз» ба  ӯҳда дошт. 
Ин  иқдом  анҷоми  лоиҳае  буд, ки  дар  ҳошияи  он  озмуни  ҷумҳуриявии  расмҳо  таҳти  унвони «Шаҳри  бехатар  аз  диди  кӯдак» доир  гардид. Ба  озмун  беш  аз  250 офаридаҳои   кӯдакон  аз ҳамаи ноҳияҳои  кишвар  ирсол  шуда буд. 
Маросими  мукофотонидани  ғолибони озмун  дар нигористони  бадеии  ба  номи  В.Одинаев баргузор гардид.