Иштироки ҳайати Тоҷикистон дар конфронси СММ
Душанбе, 07.11.2014 (АМИТ «Ховар»).- 3-5 ноябри соли 2014 дар шаҳри Венаи Ҷумҳурии Австрия дуюмин конфронси СММ барои кишварҳои тараққикунандаи маҳсур дар хушкӣ баргузор гардид, ки ҳайати Тоҷикистонро дар ҳамоиши мазкур намояндаи доимии Ҷумҳурии Тоҷикистон дар назди СММ Маҳмадамин Маҳмадаминов ва намояндаи доимии Ҷумҳурии Тоҷикистон дар САҲА ва созмонҳои дигари байналхалқӣ дар Вена Исматулло Насриддинов муаррифӣ намуданд.
Конфронси мазкур бо мақсади татбиқ ва ҷамъбасти натиҷаҳои нақшаи амали Алмаато, ки соли 2003 қабул гардид, ташкил шуда, зимни он қабули Барномаи амали Вена миёни ҳайатҳо баррасӣ шуд. Ҳадафи асосии қабули ҳуҷҷати мазкур қабл аз ҳама расонидани кумаки бештар ба кишварҳои тараққикунандаи маҳсур дар хушкӣ, рушди инфрасохтор, афзоиши гардиши савдо, боркашонӣ бо нақлиёти автомобилии байналмилалӣ ва дигар самтҳо мебошад.
Конфронсро бо сухани муқаддимавӣ Дабири кулли СММ Пан Ги Мун оғоз карда, сипас вазири федералӣ оид ба Аврупо, ҳамгироӣ ва корҳои хориҷии Австрия Себастиан Куртс раиси конфронс интихоб гардид.
Дар конфронс ҳамчунин Президенти Федералии Ҷумҳурии Австрия Ҳайнс Фишер, раиси Маҷмааи Умумии СММ Сэм Кутеса, раиси Шӯрои иқтисодӣ ва иҷтимоии СММ Мартин Сайдик, муовини Дабири кулли СММ оид ба кишварҳои тараққикунандаи маҳсур дар хушкӣ Гян Чандра Ачария, Комиссари Иттиҳоди Аврупо оид ба ҳамкории байналмилалӣ ва рушд Невен Мимитса, Дабири кулли Созмони ҷаҳонии гумрук Кунио Микурия ва Дабири кулли Созмони ҷаҳонии савдо Роберту Карвалю ди Азеведу сухан гуфтанд. Дар чорабинии мазкур зиёда аз 1500 нафар иштирокчиён, роҳбарону намояндагони воломақом аз 120 давлат, аз ҷумла кишварҳои донор, созмонҳои бонуфузи байналмилалаву минтақавӣ ва дигар меҳмонони баландпоя ширкат доштанд.
Дар баробари конфронс Форуми соҳибкорон баргузор шуда, 4 ноябр дар он намояндаи ҳайати Тоҷикистон бо гузориши муфассал сухан кард.
Худи ҳамин рӯз ҳайати Ҷумҳурии Тоҷикистон бо ҳайати Япония таҳти роҳбарии муовини парламентии вазири корҳои хориҷӣ, аъзои Палатаи намояндагони Парламент Кэнтаро Соноура мулоқот намуд.
Дар интиҳои конфронс «Барномаи амал барои кишварҳои тараққикунандаи маҳсур дар хушкӣ барои даҳсолаи 2014-2024» ва Эъломия Вена қабул шуданд.
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
