Иштироки донишҷӯёни тоҷик дар ҷашнвораи Маскав
Душанбе, 17.11.2014. (АМИТ «Ховар», Марҳабои Азамат ).- Бо дастгирии раёсати округи маъмурияти ҷануби ғарбӣ ба ифтихори Рӯзи байналмилалии таҳаммул ва Рӯзи байналмилалии донишҷӯ дар Донишгоҳи дӯстии халқҳои Русия воқеъ дар шаҳри Маскав Ҷашнвораи анъанавии донишҷӯён таҳти унвони «Маскав моро дӯст кардааст» баргузор гардид.
Дар ин бора намояндаи расмии Сафорати ҶТ дар ФР Муҳаммад Эгамзод ба АМИТ «Ховар» хабар дод.
Назар ба иттилои манбаъ, донишҷӯёни тоҷики донишгоҳи мазкур дар ҷараёни ҷашнвора кишвари моро ба таври шоиста намояндагӣ карданд.
Дар ин маросим вакилони Думаи шаҳри Маскав, аъзои Палатаи ҷамъиятии Федератсияи Русия, намояндагони сафоратҳои кишварҳои ИДМ ва намояндагиҳои доимии ҷумҳуриҳои Федератсияи Русия дар назди Президенти ФР ва Иттифоқи ҷамоаҳои донишҷӯёни шаҳри Маскав ширкат доштанд.
Кормандони масъули Сафорати Тоҷикистон дар ФР, ки дар ҷашнвора ширкат доштанд, ба саволҳои донишҷӯён посух дода, ба шароити таълим ва будубоши онҳо мароқ зоҳир намуданд.
Дар ҳошияи суҳбат тасмим гирифта шуд, ки мулоқоти сафири ҶТ дар ФР Имомуддин Сатторов бо донишҷӯёни тоҷики Донишгоҳи дӯстии халқҳои Русия ташкил карда шавад.
Назар ба иттилои манбаъ, алҳол дар ин донишкадаи олии Русия қариб 200 нафар донишҷӯёну аспирантҳои Тоҷикистон таҳсил менамоянд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






