Ислом аз нигоҳи қонун

Душанбе, 7.11.2014. (АМИТ «Ховар», Зарангези Латиф).- Масоили муҳими иҷтимоӣ, ҳаёти ҷомеа, Ислом аз нигоҳи Қонун, нигоҳи ҷомеаи ҷаҳонӣ ба ислом дар мулоқоти ходимони дини шаҳрҳои Конибодому Исфара, ки дар шаҳри Конибодом баргузор гардид, матраҳ шуд.
Бояд гуфт, ки дар мулоқот муовини раиси шаҳр Б.Ҷабборӣ, мудири шуъбаи кор бо дин, танзими анъана ва ҷашну маросимҳои мақомоти иҷроияи ҳокимияти давлатии вилояти Суғд — Абдуҳаким Шарипов, раиси Шӯрои уламои дини вилоят Ҳоҷӣ Ҳусайн Мӯсозода иштирок карда, роҷеъ ба иштироки муллоҳо дар хондани хутбаи никоҳ, либоси махсус доштани ходимони дин, дуруст фаҳмонидани дини Ислом ба ҷавонон дар масҷидҳо, тарбияи фарзанд ва дигар муаммоҳои ҷойдошта ибрози назар намуданд.
Тавре ки аз хадамоти матбуоти раиси вилояти Суғд хабар доданд, ба ходимони дин супориш дода шуд, ки дар пешрафти ҳаёти ҷомеа фаъолона ҳиссагузор бошанд.