Истиқбол аз ҷашни Сарқонун

Душанбе, 5.11.2014. (АМИТ «Ховар», Назири Назир).-4-уми ноябри соли равон дар Кумитаи ҳифзи муҳити зисти назди Ҳукумати Ҷумҳурии Тоҷикистон ба муносибати 20-умин солгарди рўзи қабули Конститутсияи Ҷумҳурии Тоҷикистон чорабинии тантанавӣ доир шуд. Раиси кумитаи мазкур Хайрулло Ибодзода нақши Конститутсияро дар масири ташаккул ва тақвияти пояҳои давлатдории тозабунёди тоҷикон дар 23 соли Истиқлолияти давлатӣ муҳим ва созанда арзёбӣ намуд. Зикр гардид, ки Конститутсия (Сарқонун)-и Ҷумҳурии Тоҷикистон бо талошҳои пайгиронаи Президенти давлат Эмомалӣ Раҳмон 6 ноябри соли 1994 аз тариқи раъйпурсии умумихалқӣ қабул гардид ва он озодии инсон ва шаҳрвандро новобаста аз ҷинс, миллат, нажод, мазҳаб ва расму оин як хел кафолат медиҳад.Иштирокдорони чорабинӣ перомуни ба вуҷуд овардани роҳнамое чун Конститутсия дар давраи ҳассоси таърихӣ ва нақши он дар таҳкими давлатдорӣ сухан гуфтанд.