Конфронси миллии машваратчиён дар Тоҷикистон

Душанбе,  14.11.2014. (АМИТ «Ховар»).- Имрӯз,  14  ноябр,  Бонки  таҷдиду  рушди  Аврупо  Конфронси дуюми миллии  машваратчиён   дар  Тоҷикистонро доир  менамояд. 
Тавре  ки  аз  намояндагии бонки   зикршуда  хабар  доданд,  мақсад  аз  ин  чорабинӣ бештар  воқиф  намудани намояндагони  сохторҳои  ҳукуматӣ,  соҳибкорон ва  созмонҳои  байналмилалӣ  аз бахши  машварат мебошад. 
Иштирокдорони  конфронс  метавонанд  бо  фаъолияти  ширкатҳои  машваратдиҳанда, ки  қобилияти  расонидани  ёрӣ ба рушди тиҷоратро  доранд, шинос  шаванд.
Қобили  зикр  аст, ки  Бонки  таҷдиду рушди  Аврупо  зимни  ҳамкориаш  бо  машваратчиёни  маҳаллӣ ва  мушовирони  соҳавии  ҷаҳонӣ  беш  аз  450  лоиҳаро  дастгирӣ  намуда,  бо ҷалби  5  миллиону  500  ҳазор  доллари  ИМА  140 чорабиниро рӯи  кор  овардааст.