Кори тавзеҳотии байни муҳоҷирон
Душанбе, 17.11.2014. (АМИТ «Ховар», Лайло Тоирӣ ).- Бинобар эътибор пайдо кардани талабҳои нави Қонуни федералии муҳоҷират кормандони намояндагии Вазорати меҳнат, муҳоҷират ва шуғли аҳолии ҶТ дар ФР оид ба муҳоҷират дар иншооти сохтмонии Ҷамъияти масъулияташ маҳдуди рақами 65 шаҳри Маскав бо муҳоҷирони меҳнатии Тоҷикистон вохӯрданд.
Дар иншооти мазкур беш аз 200 нафар шаҳрвандони Тоҷикистон кор карда, ҳамаи онҳо барои будубоши қонунӣ ва фаъолияти меҳнатӣ ҳуҷҷатҳои зарурӣ доранд.
«Кормандони намояндагӣ муҳоҷиронро бо навигариҳои қонуни Русия дар бораи муҳоҷират шинос карданд», — қайд намуд котиби матбуоти намояндагии Хадамоти муҳоҷирати ҶТ дар ФР Иброҳим Аҳмадов.
Қайд шуд, ки сар аз соли нав дар мавриди гирифтани ҳуҷҷатҳои иҷозавӣ барои фаъолияти меҳнатии шаҳрвандони хориҷӣ қоидаҳои нав рӯи кор меоянд. Дар асоси ин қоидаҳо ҳангоми гирифтани иҷозат барои кор бояд шаҳодатнома дар бораи донистани забони русӣ, асосҳои қонунгузорӣ ва таърихи Русия пешниҳод шавад.
Дар ҷараёни вохӯрӣ маълум шуд, ки аз ҷумлаи 200 нафар шаҳрвандони Тоҷикистон, ки дар иншооти мазкур фаъолият доранд, 90 нафарашон бо шиносномаҳои «дохилӣ» — и миллӣ дар пойтахти Русия будубош ва фаъолият доранд. Ба онҳо тавсия шуд, ки дар сурати идома додани сукунаташон дар ин шаҳр бояд шиносномаҳои хориҷиро дошта бошанд, ки онро метавонанд аз консулгарии Тоҷикистон дар шаҳри Маскав ба даст оранд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






