Кумакпулӣ ба ифтихори Рӯзи Парчам

Ноябрь 25, 2014 16:40

Душанбе, 25.11.2014. (АМИТ «Ховар», Раъно Нусратуллозода).- Ҷиҳати дастгирии донишҷӯёни ятиму камбизоат, донишҷӯёни тибқи квотаи Президентӣ таҳсилкунанда, дар Рӯзи Парчами давлатии Ҷумҳурии Тоҷикистон бо фармони ректори Донишгоҳи давлатии Хуҷанд ба номи академик Бобоҷон Ғафуров Анвар Мақсудов аз хазинаи донишгоҳ 545 ҳазору 500 сомонӣ ҷудо гардид.
Тибқи иттилои сардори Маркази иттилоот ва таҳлили Раёсати донишгоҳ Маъмури Юсуфзод интизор меравад, ки ин миқдор маблағ ба 658 нафар донишҷӯи тибқи квотаи Президентӣ таҳсилкунанда, 366 нафар муҳассили аз падар ва ё модар маҳрумгашта, 35 нафар маъюб ва 32 нафар ятими кулл, ки дар маҷмӯъ 1091 нафар мебошанд, ба андозаи 500 сомонӣ тақсим мешавад. 
Ҷоиз ба зикр аст, ки дар соли равон ин ҳафтумин кумаки Раёсати донишгоҳ ба донишҷӯёни камбизоат буда, қаблан дар арафаи ҷашнҳои миллӣ ба ин табақа 179 ҳазору 681 сомонӣ маблағ аз хазинаи донишгоҳ ихтисос гардида буд. 
Гуфта мешавад,ки ин маблағҳо аз тариқи кортҳои бонкии донишҷӯён дастрас мешаванд.
Бояд зикр намуд, ки Донишгоҳи давлатии Хуҷанд ба номи академик Бобоҷон Ғафуров аз калонтарин муассисаҳои олии мамлакат маҳсуб ёфта, алҳол дар он беш аз 15 ҳазор нафар донишҷӯ таҳсил мекунад ва дар ин боргоҳи илм наздик ба 1000 омӯзгор дарс мегӯяд. 
 
 

Ноябрь 25, 2014 16:40

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд