Куштор дар заминаи хусумати оилавӣ
Душанбе, 25.11.2014. (АМИТ «Ховар», Муқаддас Темурзода).- Дирӯз аз ҷониби кормандони милитсия шаҳрванд Ҷамил Ҷамилов, соли таваллудаш 1961 ва ҷиянаш Мирсаид Саидов, соли таваллудаш 1984, сокинони ноҳияи Панҷакент ҳамчун гумонбар дар содир намудани ҷинояти куштор дастгир гардиданд.
ВКД ҶТ хабар медиҳад, ки дастгиршудагон худи ҳамин рӯз, соати 07.00 дақиқа бо маслиҳати пешакӣ домодашон сокини ҳамин ноҳия Акмал Нарзиев, соли таваллудаш 1987-ро ба хонааш даъват намуда, М. Саидов якчанд маротиба бо корди хоҷагӣ ба узвҳои ҳаётан муҳими бадани ӯ зада, ба қатл расонидааст. Нисбат ба далели мазкур парвандаи ҷиноятӣ оғоз гардида, тафтиш идома дорад.