Куштори ду нафар донишҷӯ дар Кӯлоб

 Душанбе, 25.11.2014. (АМИТ «Ховар», Муқаддас Темурзода).- Шаҳрванд Амирхон Ҳотамов, соли таваллудаш 1991, сокини ноҳияи Темурмалик, донишҷӯ, муваққатан посбони яке аз ширкатҳои шаҳри Кӯлоб бо ҳамроҳии рафиқонаш: Ҳакимҷони Маҳмадалӣ, соли таваллудаш 1991, донишҷӯ, Наврӯзшоҳ Саидаҳмад, соли таваллудаш 1995, донишҷӯ, Ҷаҳонгири Искандар, соли таваллудаш 1992, истиқоматкунандагони шаҳри Кӯлоб, Эмомназар Сафаров, соли таваллудаш 1996, донишҷӯ, сокини ноҳияи Шӯрообод ва Сафаралӣ Файзиддин, соли таваллудаш 1992, донишҷӯ, сокини ноҳияи Ховалинг барои хӯрдани хӯроки шом дар ҷойи кораш ҷамъ мешаванд. 
Зимни муноқишаи бамиёномада А. Ҳотамов бо корди хоҷагии дар дасташ буда як маротиба ба гулӯи Наврӯзшоҳ С. ва як маротиба ба қисмати шиками  Ҳакимҷони М. задааст, ки дар натиҷа Наврӯзшоҳ С. дар ҷойи ҳодиса ба ҳалокат расида, Ҳакимҷони М. ҳангоми ҷарроҳӣ дар беморхона ҳалок гардидааст. Гумонбаршуда А. Ҳотамов аз ҷониби кормандони милитсия дастгир шуда, ҳодисаи мазкур таҳти тафтишот қарор дорад.
Дар ин бора ВКД ҶТ иттилоъ медиҳад.