М.Яҳёева: «Меҳрамро асарҳоям қисса кунанд»

Душанбе,  10.11.2014. (АМИТ «Ховар»,  Анна  Мошенко).- Дар  ҳошияи  Рӯзҳои  Санкт — Петербург  дар  Душанбе  расмҳои  рассоми   Санкт — Петербург  Матлуба  Яҳёеваи  тоҷик ба  маърази  намоиш  гузошта  шуданд.
Дар  ин  маросим  раиси  шаҳри  Душанбе  Маҳмадсаид  Убайдуллоев ва губернатори  Санкт  — Петербург  Георгий  Полтавченко  ширкат  доштанд.
«Дӯстии   байни   кишварҳоямон  таърихи  тӯлонӣ  дошта ва қувваи  мо  дар  ягонагист. Аз он  ифтихор  дорам, ки  рассоми тоҷик  дар Русия  эҷод  мекунад. Дастовардҳои  Матлуба  Яҳёева самараи ягонагии  ҳар  ду  кишвар аст»,- зикр  намуд  раиси   шаҳри  Душанбе.
Ёдовар  мешавем, ки  Матлуба  Яҳёева иштироккунандаи  қариб  100  намоишгоҳи бадеӣ  мебошад.  Асарҳои  ӯ намоишгоҳҳои  Русия,  Булғористон,  ИМА,  Финляндия ва  Фаронсаро  зеб  медиҳанд.