Маҳфили Давлат Сафар бахшида ба ҷашни Сарқонун

Душанбе, 4.11.2014. (АМИТ «Ховар», Зарангези Латиф).-Имрӯз дар  Иттифоқи нависандагони Тоҷикистон маҳфили эҷодии адиби шинохтаи тоҷик Давлат Сафар баргузор гардид. Дар маҳфил адибону донишмандон, дӯстдорони каломи бадеъ ва доираи васеи рӯзноманигорон ширкат варзида, доир ба ашъори шоири ширинкалом Давлат Сафар сухан гуфтанд.
Маҳфили мазкур ба 20-солагии Сарқонуни Ҷумҳурии Тоҷикистон бахшида шуд.
Гуфта  шуд, ки шеъри Давлат Сафар бо равонию тозагии маънӣ аз дигар адибон бартарӣ дорад ва ҳаёти имрӯзаро инъикос мекунад.
Бояд гуфт, ки «Девони ашъор»-и Давлат Сафар дар Ҷумҳурии Исломии Афғонистон бо хати форсӣ рӯи чоп омадааст. 
Ӯ муаллифи маҷмӯаҳои ашъори «Пайғоми ашк» (1998), «Шеъри гаҳвора»(с. 2010), «Шаҳбол» (с.2010) буда, аз соли 2010 узви Иттифоқи нависандагон, барандаи Ҷоизаи адабии Иттифоқи нависандагони Тоҷикистон ба номи М. Турсунзода ва Ҷоизаи Иттифоқи журналистони Тоҷикистон ба номи А. Лоҳутӣ, ҳамчунин дорандаи медали «Хизмати шоиста», нишонҳои Аълочии телевизион, матбуот ва фарҳанг мебошад.