Маҷлиси ботантана дар арафаи Рӯзи Конститутсия
Душанбе, 5 ноябр. (АМИТ «Ховар», Покизаи Шодмон).- 3 ноябр дар Палатаи савдо ва саноати ҷумҳурӣ ба ифтихори 20 – умин солгари Конститутсияи Тоҷикистон маҷлиси ботантана баргузор гардид. «Расо 20 — сол муқаддам бо раъйдиҳии умумихалқӣ ҳуҷҷати олии ҳуқуқии кишварамон — Конститутсияи Тоҷикистони мустақил қабул шуда буд», — гуфт дар ҷараёни чорабинӣ раиси Палатаи савдо ва саноат Шариф Саид. Тавре ки аз ПСС ҶТ ба АМИТ «Ховар» хабар доданд, Шариф Саид ба ҳозирин аз аҳамияти тақдирсозу таърихии Конститусияи кишвар муфассал нақл кард.«Ҳар шаҳрванди Тоҷикистон қонуни асосиро ҳуҷҷати муқаддас мешуморад, зеро ин санади барномавӣ дурнамои рушди Тоҷикистони мустақиламонро пешбинӣ мекунад. Аз ин хотир эҳтиром, риоя ва ҳифзи Конститутсия гарави таъмини қонунияту суботи давлату ҷомеа маҳсуб меёбад», — афзуд Шариф Саид.