Маросими мӯҳташами «AFC Annual Awards»

Душанбе,  28.11.2014. (АМИТ «Ховар»).-   30  ноябр  дар  пойтахти  Филиппин   шаҳри  Манила маросими  мӯҳташами Конфедератсияи  футболи Осиё «AFC Annual Awards  2014» баргузор  гардида,  дар  он натиҷаи соли  гузашта ҷамъбаст  ва ҷоизони  мавсими  соли  2014  дар футболи  Осиё  номбар  карда  мешаванд.
Федератсияи  футболи  Тоҷикистонро  дар  ин  чорабинӣ ноиби  аввали  президент  Хуршед  Мирзоев  ва  сардори  шуъбаи  байналмилалии  федератсия Давлатманд  Исломов  намояндагӣ  мекунанд.
Дар  маросими  мӯҳташам ғолибон дар  бахшҳои  «бозингари  беҳтарин», «бозингари  беҳтарини  ҷавон», «бозингари  беҳтари  футзал», «футболбоззани  беҳтарин», «довари  беҳтарин», «мураббии  беҳтарин», «дастаи мунтахаби  беҳтарин» ва  ғайра эълон  карда  мешаванд. 
Ёдовар  мешавем, ки  се  футболбоз — ҳамлагари  дастаи «Ал — ҳилол»  Носир ал — Шомронӣ, муҳофизатгари  дастаи  «Ал — айна»  Аҳмад  Исмоил  ва ниммуҳофизатгари  дастаи  «Ал — садда»  Иброҳим  Ҳалфон, ки дар  Осиё  ӯро «Марадонаи  Осиё»  меноманд,  барои  дарёфти  унвони  бозингари  беҳтарин  иддао  доранд.
Дар  ин  бора  аз Федератсияи  футболи  Тоҷикистон  ба  АМИТ «Ховар»  хабар  доданд.