Маросими савгандёдкунӣ дар қисми ҳарбии 3502
Душанбе, 03.11.2014. (АМИТ «Ховар», Муқаддас Темурзода).- Дирӯз дар қисми ҳарбии 3502 Раёсати Қӯшунҳои дохилии Вазорати корҳои дохилии Ҷумҳурии Тоҷикистон маросими савгандёдкунии наваскарони даъвати тирамоҳии соли 2014 баргузор гардид.
ВКД ҶТ хабар медиҳад, ки дар ин маросим фармондеҳи Раёсати Қӯшунҳои дохилии Вазорати корҳои дохилӣ генерал-майор Н.С. Қурбонзода, собиқадорон, меҳмонон ва волидайни наваскарон иштирок намуданд.
Фармондеҳи Раёсати Қӯшунҳои дохилии Вазорати корҳои дохилӣ генерал-майор Н. Қурбонзода аз номи роҳбарияти Вазорати корҳои дохилӣ ҳамаи наваскаронро бо ин рӯзи фараҳбахш табрик намуда зикр дошт, ки наваскарон ҳамчун хизматчиёни ҳарбӣ ба савганди ҳарбӣ вафодор буда, аз уҳдаи иҷрои хизмати худ сарбаландона мебароянд.
Мавсуф ҳамчунин иброз дошт, ки ҳифзи давлату миллат ва марзу буми кишвар пеш аз ҳама ба зиммаи ҷавонон вогузор шудааст. Онҳо бояд Ватанро дар баробари модари худ дӯст дошта, қадр намоянд ва ҳифз кунанд. Фаромӯш набояд кард, ки танҳо шахси воқеан ватандӯст метавонад дилсӯзона ва бо тамоми ҳастӣ амният ва ободии Ватани худро таъмин созад.
Сипас, бо гузашти идона ва намоиш додани машқҳои низомӣ наваскарон хотири ҳозиринро болида гардониданд.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
