Металлургҳо аз Сарқонун ифтихор доранд

Душанбе, 6.11.2014. (АМИТ «Ховар»). — Аҳли заҳмати КВД «Ширкати Алюминийи Тоҷик» 20-солагии Сарқонуни Ҷумҳурии Тоҷикистонро бо руҳиия баланди ватандустӣ ва навидҳои фараҳбахши истеҳсолӣ истиқбол гирифтанд.Чанде пеш бо иқдоми роҳбарияти «Талко» дар саҳни марказии корхона тантанаи пуршукуҳ доир гардид. Барои 6 ҳазор нафар металлург зиёфати идона ороста шуда,барномаи радиоии «Сарқонун-китоби бахти мо» шунавонида шуд.Департаменти иттилоот ва робита бо ҷомеаи ширкат ҳамзамон ба истиқболи ин ҷашн як қатор чорабиниҳои оммавиро амалӣ намуд.