Муҳоҷирон бо навигариҳои қонун шинос мешаванд

Душанбе,  25.11.2014. (АМИТ «Ховар»,  Лайло  Тоирӣ).- Корманди  намояндагии  Вазорати  меҳнат,  муҳоҷират ва  шуғли  аҳолии  ҶТ  дар  ФР дар  шаҳри  Хабаровск  бо  муҳоҷирони  меҳнатии  тоҷик, ки  дар   ширкати   сохтмонии Авруосиё  кор  мекунанд, вохӯрд.
Ба  гуфтаи  роҳбари  гурӯҳи  сохтмончиён  Наврӯзшоҳ  Хушаков, алҳол   дар  ин  ширкат  беш  аз  150  нафар муҳоҷирони  меҳнатии тоҷик  кор  мекунанд.  Ҳамаи онҳо  аз  навигариҳои  қонуни  муҳоҷират  хабар доранд.
Зимни  вохӯрӣ  зикр  шуд, ки сафорати  ҶТ  дар  ФР  ва  хадамоти  консулгарӣ  бо назардошти эҳтиёҷоти  мавҷуда барои дастрасии   шаҳрвандони  Тоҷикистон  ба  шиносномаҳои  биометрии хориҷӣ  ҳамаи  чораҳои  имконпазир  дида  мешаванд.
Дар  бозори «Кировский» —  и  шаҳри  Самара, ки дар он  ҷо  шаҳрвандони  Тоҷикистон  асосан  ба тиҷорат  машғуланд, низ ҳамин  хел  вохӯрӣ  доир  гардид. 
Дар  ин  бора  котиби  матбуоти  намояндагии Хадамоти  муҳоҷирати  ҶТ  дар  ФР Иброҳим  Аҳмадов  ба  АМИТ «Ховар»  хабар  дод.