Муҳокимаи масоили ҳамкории байни Тоҷикистон ва Эстония

Душанбе,  19.11.2014. (АМИТ «Ховар»,  Покизаи  Шодмон ).- 18  ноябр  муовини  вазири   рушди  иқтисод  ва  савдои  кишвар  Умед Давлатзода  ва  сафири  Эстония  дар  Тоҷикистон Яан Рейнҳолд  дар  шаҳри  Душанбе масъалаи заминаи  ҳуқуқию  шартномавӣ  ва   барқарор  намудани  муносибатҳои   тиҷоратию  иқтисодии  миёни  Тоҷикистон ва Эстонияро  мавриди  муҳокима  қарор  доданд. 
Мувофиқи  хабари  Вазорати рушди  иқтисод ва  савдо,  ҷонибҳо  ҳамчунин  муносибатҳои тиҷоратию  иқтисодии байни  ҳар  ду  кишвар, ҷалби  сармояҳо,  густариши  неруи   содиротӣ, тараққии  сайёҳӣ  ва  ташкили инфрасохтори  муосирро  баррасӣ  намуданд.
Мусоҳибон перомуни  ҳамкорӣ  дар  бахши  муҳоҷирати  меҳнатӣ,  маориф  ва  роҳандозии хатсайрҳои  нави  ҳавопаймоҳо  табодули  афкор  намуданд.